Stiven Pinker

Stiven Pinker
ing. Steven Arthur Pinker[1]
Doğum tarixi	18 sentyabr 1954(1954-09-18)[2][3][…] (70 yaş)
Doğum yeri	Monreal, Kanada[2][4]
Təhsili	MakQil Universiteti (–1976)[2][4], Harvard Universiteti (–1979)[2][4]
Fəaliyyəti	psixoloq, dilçi, antropoloq, filosof, universitet müəllimi[d], yazıçı-dokumentalist[d]
Elmi dərəcəsi	doktorluq dərəcəsi[d][4]
Üzvlüyü	Amerikan Psixoloqlar Birliyi, Amerika İncəsənət və Elmlər Akademiyası, ABŞ Milli Elmlər Akademiyası[5]
stevenpinker.com
Vikianbarda əlaqəli mediafayllar

Stiven Pinker(18 sentyabr 1954^[2][3][…], Monreal, Kanada^[2][4]) — psixolinqvist, populyar elm yazarı, eksperimental psixologiya və idrak elmləri sahəsində ixtisaslaşmış filosof.

Pinker Harvard Universitetində Psixologiya sahəsi üzrə professordur. O, vizual idrak və inkişaf linqvistikası sahəsində ixtisaslaşmışdır. Filosofun eksperimental mövzularına mental təsvir, forma tanıma, vizual diqqət, dildə qaydalılıq və qeyri-qaydalılıq, sözlərin və qrammatikanın neyron əsasları, həmçinin uşaqların dil inkişafı daxildir.^[6][7][8]

Pinker geniş auditoriyaya xitab edən doqquz kitabın müəllifidir. "Dil instinkti" (1994), "Zehin necə işləyir" (1997), "Sözlər və qaydalar" (2000), "Boş lövhə" (2002) və "Düşüncənin mahiyyəti" (2007) əsərlərində psixolinqvistika və idrak elminin aspektlərini təsvir edir və dilin təbii seçmə nəticəsində formalaşmış və ünsiyyət ehtiyaclarımıza uyğunlaşmış fitri bir davranış olduğunu irəli sürür. "Üslub hissi" (2014) ümumi dil üslubu üzrə bələdçi kitabdır.^[9] Onun "Təbiətimizin daha yaxşı mələkləri" (2010) adlı kitabı bəşər tarixində zorakılığın ümumiyyətlə azaldığını və bu azalmanın əsas səbəblərindən birinin maarifçilik dövründə meydana çıxan humanitar inqilab və onun ağılın inkişafına təsiri olduğunu göstərir. "Maarifçilik indi" (2018) isə ağıl, elm və humanizmin insan həyatını yaxşılaşdırdığını müdafiə edir. "Rasionalizm: Nədir, niyə az görünür, niyə əhəmiyyətlidir" (2021) kitabında isə ağılın mahiyyəti və onun əhəmiyyəti barədə müzakirələr aparır.

2004-cü ildə Pinker Time jurnalının "Dünyanın ən nüfuzlu 100 insanı" siyahısına daxil edilmiş, 2005, 2008, 2010 və 2011-ci illərdə isə Foreign Policy jurnalının "Ən yaxşı 100 qlobal düşüncə adamı"^[10] siyahısında yer almışdır. O, 2013-cü ildə Prospect jurnalının "Dünyanın ən yaxşı 10 düşüncə adamı" siyahısına da daxil edilmişdir.^[11] Pinker Amerikan Psixoloqlar Birliyi, Milli Elmlər Akademiyası, Kral İnstitutu, İdrak Neyroelmi Cəmiyyəti və Amerika Humanist Assosiasiyası tərəfindən mükafatlara layiq görülmüşdür.^{[12][13][14][15][16]} O, 2013-cü ildə Edinburq Universitetində Gifford mühazirələrini oxumuşdur. Müxtəlif elmi jurnalların redaksiya heyətində və bir sıra institutların məsləhət şuralarında çalışmışdır.^[17] Pinker 2008-2018-ci illərdə American Heritage Dictionary-nin İstifadə Panelinin sədri olmuşdur.^[18]

1. ↑ Hollar S., Pallardy R. Steven Pinker // Encyclopædia Britannica (ing.).
2. ↑ ^{1 2 3 4 5 6 7 8} Hollar S., Pallardy R. Steven Pinker // Encyclopædia Britannica (ing.).
3. ↑ ^{1 2} Steven Pinker // Brockhauz Ensiklopediyası (alm.).
4. ↑ ^{1 2 3 4 5 6 7 8} https://stevenpinker.com/biocv.
5. ↑ ^{1 2} NNDB (ing.). 2002.
6. ↑ Pinker, Steven. The Blank Slate: The Modern Denial of Human Nature (ingilis). Penguin. 2016. ISBN 978-1-101-20032-2. June 30, 2023 tarixində arxivləşdirilib. İstifadə tarixi: September 17, 2020.
7. ↑ Sherk, John. "Steven Pinker on Cognitive Psychology, Computational Theory, and Conversation". October 4, 2019. July 16, 2020 tarixində arxivləşdirilib. İstifadə tarixi: July 22, 2020.
8. ↑ "YouTube". YouTube. 2021-10-30 tarixində arxivləşdirilib.
9. ↑ The Sense of Style
10. ↑ Wright, Robert. "The 2004 Time 100". Time. April 26, 2004.
11. ↑ "World Thinkers 2013". August 24, 2020 tarixində arxivləşdirilib. İstifadə tarixi: July 14, 2020.
12. ↑ "APA PsycNet". psycnet.apa.org. April 15, 2021 tarixində arxivləşdirilib. İstifadə tarixi: July 14, 2020.
13. ↑ "Steven Pinker". www.nasonline.org. October 13, 2018 tarixində arxivləşdirilib. İstifadə tarixi: July 14, 2020.
14. ↑ "Humanist of the Year Award". American Humanist Association. June 7, 2020 tarixində arxivləşdirilib. İstifadə tarixi: July 14, 2020.
15. ↑ "George A. Miller Award". February 13, 2020 tarixində arxivləşdirilib. İstifadə tarixi: July 14, 2020.
16. ↑ "Curriculum Vitae of Steven Pinker" (PDF). August 7, 2020 tarixində orijinalından (PDF) arxivləşdirilib. İstifadə tarixi: July 14, 2020.
17. ↑ "Developmental Review Editorial Board". Elsevier. July 14, 2020 tarixində arxivləşdirilib. İstifadə tarixi: July 13, 2020.
18. ↑ Pinker, Steven. The Sense of Style: The Thinking Person's Guide to Writing in the 21st Century. New York: Penguin. 2014. August 5, 2020 tarixində arxivləşdirilib. İstifadə tarixi: July 14, 2020.